Mae Cyngor °¬²æAƬ wedi erlyn pum unigolyn yn llwyddiannus am dipio anghyfreithlon neu fethu â chynorthwyo gydag ymchwiliad tipio anghyfreithlon, fel rhan o ymrwymiad parhaus i fynd i'r afael â throseddau gwastraff.
- Plediodd William Johnson, Cyfarwyddwr WJ Roofline Ltd, yn euog ar ôl i swyddogion gorfodi weld tystiolaeth fideo o fan â logo’r cwmni’n gwagio trelar llawn gwastraff rheoledig ar ffordd fynediad ger Safle Carafannau Cwmcrachen, Nant-y-glo. Cafodd Mr Johnson, 34 oed o Bont-y-pŵl, ddirwy o £1,333, a gorchmynnwyd iddo dalu gordal o £533 gyda chostau o £1,196 ar ôl cyfaddef cyhuddiadau o ollwng gwastraff a methu â darparu tystiolaeth o drefniadau gwaredu priodol.
- Cafodd Craig Hucklebridge, 36 oed o Lynebwy, ei adnabod drwy deledu cylch cyfyng yn gollwng bag sbwriel du mewn cilfan ger Oak Street, Abertyleri. Ar ôl methu â thalu cosb benodedig gychwynnol, plediodd yn euog i'r drosedd o dipio anghyfreithlon yn Llys Ynadon Cwmbrân a chafodd ddirwy o £400 gyda chostau o £1,426 a gordal dioddefwr o £160.
- Cafodd Ashley Martin, 37 oed, o’r Cwm, ei erlyn hefyd am fethu â chynorthwyo'r Cyngor gyda'i ymchwiliad i ddympio gwastraff yn anghyfreithlon yn Cemetery Road. Methodd Martin dro ar ôl tro â chynorthwyo ag ymchwiliad y cyngor. Cafwyd ef yn euog yn Llys Ynadon Cwmbrân o drosedd o dan Adran 108 4(l) o Ddeddf yr Amgylchedd 1995 a chafodd ddirwy o £600 gyda chostau o £751 a gordal dioddefwr o £240.
- Mae Christina Seaward, 46 oed o Gwmbrân, wedi cael dirwy ar ôl methu â chynorthwyo'r Cyngor gyda'i ymchwiliad i ddympio gwastraff yn anghyfreithlon yn Ystâd Ddiwydiannol Tafarnaubach, Tredegar. Cafodd ei chyhuddo o drosedd o dan Adran 108 4(l) o Ddeddf yr Amgylchedd 1995 a'i chael yn euog yn Llys Ynadon Cwmbrân. Cafodd ddirwy o £600 a gorchmynnwyd iddi dalu costau o £751 a gordal dioddefwr o £240.
- Cafodd Lauren Williams, 33 oed o Rymni, ei herlyn am fethu â chynorthwyo'r Cyngor gyda'i ymchwiliad i ddympio gwastraff yn anghyfreithlon yng Nglynebwy. Fe’i cafwyd yn euog wedyn o drosedd arall o dan Adran 108 4(l) o Ddeddf yr Amgylchedd 1995 a chafodd ddirwy o £600, gyda chostau ychwanegol o £652 a gordal dioddefwr o £240.
Mae'r achosion hyn yn dangos dull rhagweithiol y Cyngor, a'r defnydd o bwerau gorfodi i adnabod troseddwyr a'u dal yn atebol, gan weithio i amddiffyn cymunedau lleol a'r amgylchedd.
Dywedodd yr Aelod Cabinet dros Gymdogaethau a'r Amgylchedd, y Cynghorydd Tommy Smith:
"Mae tipio anghyfreithlon yn gwbl annerbyniol ac yn effeithio ar ein cymunedau, a'r amgylchedd. Mae'r erlyniadau hyn yn anfon neges glir ein bod yn ceisio adnabod troseddwyr yn weithredol ac yn barod i gymryd camau cadarn yn erbyn y rhai sy'n dewis dympio gwastraff yn anghyfreithlon."
Os oes gennych unrhyw wybodaeth am dipio anghyfreithlon ym Mlaenau Gwent, cysylltwch â'r cyngor ar 01495 311556.
(William Johnson)
(Craig Hucklebridge)
(Ashley Martin)
(Christina Seaward)
(Lauren Williams)